اضطراب کو اچھی نظر سے نہیں دیکھا جاتا۔ یہ ایک ایسا احساس ہے جسے کوئی بھی محسوس نہیں کرنا چاہتا ہے ، اور ہر کوئی اس سے بچنا چاہتا ہے۔ اضطراب ہمارے لئے ایک غیر یقینی مستقبل کی منصوبہ بندی اور تیاری کے لئے ایک احساس ہے، جو ہمیں ممکنہ خطرات سے نمٹنے میں مدد دیتا ہے، اور ہمیں تیار کرتا ہے کہ ہم ایسے اقدامات کریں جو ہمارے لئے اچھے ہوں گے۔ اضطراب سے بچنے کی کوشش کرنے کے بجائے ، ہمیں اپنی ذہنیت کو اضطراب کو مددگار آلے کے طور پر دیکھنے کی ضرورت ہے جو یہ اصل میں ہے۔ اضطراب صرف معلومات ہے، اور ہماری بقا کے لئے بھی اہم ہے۔ یہ ہم پر منحصر ہے کہ ہم اس کا بہترین استعمال کریں۔

• اضطراب کی ہلکی شکل ہمیں کچھ ایسی چیزیں بتاتی ہیں جو ہم سننا نہیں چاہتے، لیکن یہ سننا ضروری ہوتا ہے۔

• ہم اضطراب محسوس کرتے ہیں جب ہم کچھ برا تصور کرتے ہیں جو ہوسکتا ہے، لیکن ابھی حقیقت میں واقع نہیں ہوا ہوتا۔

• کبھی کبھی اضطراب خود مسئلہ نہیں ہوتا۔ مسئلہ اضطراب سے نمٹنے کا طریقہ ہوتا ہے۔ جیسا کہ کھانے پینے اور سونے کی بدانتظامی، مشکل حالات سے بچنا اور اپنے پیاروں سے علیدگی اختیار کرنا۔

• یہ صرف دماغ ہی نہیں ہیں جو اضطراب کے بارے میں ہمارے عقائد سے متاثر ہوتا ہے ، بلکہ ہمارا جسم بھی متاثر ہوتا ہے۔

• اپنے اضطراب کو بیشک پسند نہ کریں، لیکن اس کے بارے میں متجسس ہو جائیں۔

• اضطراب سے نمٹنے کا بہترین طریقہ یہ ہے کہ آپ موجودہ لمحے میں مکمّل طور سے ڈھل جائیں۔

• اضطراب والدین کو بے چین کر دیتا ہے، یہی وجہ ہے کہ وہ اپنے بچوں کی بے چینی دور کرنے کی کوشش کرتے ہیں۔

• اپنے بچوں کی بے چینی دور کرنے کی کوشش کرنا چھوڑ دیں۔ انہیں اس سے نمٹنا سکھائیں۔

• اپنے بچوں کو فکر مند ہونے دیں، لیکن ساتھ ہی ساتھ اس اضطراب سے نمٹنے میں ان کی حوصلہ افزائی اور مدد کریں۔